འཕགས་པ་ཀླུ་སྒྲུབ།
 |
| འཕགས་པ་ཀླུ་སྒྲུབ་ལ་ན་མོ། |
ཤིང་རྟ་ཆེན་པོ་དཔལ་མགོན་འཕགས་པ་ཀླུ་སྒྲུབ་ནི།
སྟོན་པ་མྱ་ངན་ལས་འདས་ནས་ལོ་བཞི་བརྒྱ་ཙམ་སོང་རྗེས། རྒྱ་གར་ལྷ་ཕྱོགས་བེ་དའི་ཡུལ་དུ་བྲམ་ཟེརའི་རིགས་སུ་འཁྲུངས།
ཡུམ་གྱིས་མཚན་མཁས་ལ་བསྟན་པས། དེས་མཚན་བཟང་མོད། ཞག་བདུན་གྱི་ཚེ་ལས་མི་འདུག་ཟེར་བས། ཐབས་ཅི་ཡོད་ཅེས་དྲིས་པ་ན།
ཕལ་པ་བྲམ་ཟེམ། དགེ་སློང་ལྔ་བརྒྱ་ལ་གསོལ་སྟོན་དྲངས་ན་རིམ་བཞིན་ཞག་བདུན་དང་། ཟླ་བ་བདུན།
ལོ་བདུན་འཚོ་ཐུབ། དེ་ནས་ཐབས་མེད་ཟེར་བས། དེ་ལྟར་བྱས་ཏེ་དགུང་ལོ་བདུན་དུ་ཉེ་བ་ན། ཕ་མས་རང་གི་བུ་འཆི་བར་བལྟ་མ་ནུས་པར་གཡོག་དང་བཅས་ནགས་སུ་འཁྱམ་དུ་བཏང་།
རིམ་བཞིན་བྲམ་ཟེ་ས་ར་ཧའམ་སྒྲ་གཅན་འཛིན་བཟང་པོ་དང་མཇལ་ནས། སྐུ་ཚེ་བསྲིངས་ཤིང་རབ་ཏུ་བྱུང་།
ཕྱིས་སུ་བསྙེན་པར་རྫོགས་ནས་མཚན་ལ་དགེ་སློང་དཔལ་ལྡན་ཞེས་གསོལ། གཞན་ཡང་བྱང་སེམས་བློ་གྲོས་རིན་ཆེན་སོགས་ལས་ཀྱང་མདོ་སྔགས་ཀྱི་ཟབ་ཆོས་མང་དུ་གསན་ཏེ་མཁས་པའི་ཕུལ་དུ་གྱུར།
བར་སྐབས་ཤིག་ལ་ཡུལ་དེར་མུ་གེ་ཆེན་པོ་བྱུང་བས།
མཁན་པོས་བསྐུལ་བར་ལྟར་ནཱལེནྡྲའི་དགེ་འདུན་གྱི་ཞལ་ཏ་པ་མཛད། རྒྱ་མཚོའི་གླིང་ཞིག་ནས་གསེར་འགྱུར་གྱི་རྩི་བཞེས་ཞིང་།
ཕྱོགས་གཞན་ནས་འཚོ་བའི་ལོ་བྱད་རྣམས་དྲངས་ཏེ་ལོ་བཅུ་གཉིས་བར་དུ་དགེ་འདུན་རྣམས་ལ་འཚོ་བ་ཕོངས་མེད་པར་སྦྱོར་བར་མཛད།
སྐབས་དེ་དག་ཏུ་བསླབ་ཁྲིམས་འཆལ་བའིདགེ་འདུན་སྟོང་ཕྲག་མང་པོ་གནས་ནས་ཕྱུངས། སྐལ་ལྡན་རྣམས་ལ་སྡེ་སྣོད་གསུམ་དང་།
ལྷག་པར་དུ་དམ་པའི་ཆོས་འདུལ་བ་རྒྱ་ཆེར་སྤེལ་བར་མཛད་དེ། སྔོན་སྟོན་པས་ཆོས་འཁོར་དང་པོ་བསྐོར་བ་དང་མཚུངས་པ་ཆོས་ཀྱི་སྒྲ་ཆེན་ལན་དང་པོ་བསྒྲགས།
སྐུ་ཚེའི་སྨད་ལ་གཙོ་ཆེར་ལྷོ་ཕྱོགས་དཔལ་གྱི་རིར་བཞུགས་ཏེ་མདོ་སྔགས་གཉིས་ཀའི་ཆོས་འཁོར་རྒྱ་ཆེར་བསྐོར།
ལྷག་པར་ཆོས་དབྱིངས་བསྟོད་པ་སོགས་མཛད་དེ། སྔོན་སྟོན་པས་ཆོས་འཁོར་ཐ་མ་བསྐོར་བ་དང་མཚུངས་པའི་ཆོས་ཀྱི་སྒྲ་ཆེན་པོ་གསུམ་པ་བསྒྲགས་སོ།
མདོར་ན་གདུལ་བྱ་བགྲང་ལས་འདས་པ་ཐེག་པ་ཆེན་པའི་ལམ་ལ་འཁྲིད་པ་དང་།
སྡེ་སྣོད་གསུམ་དང་། རྒྱུད་སྡེ་བཞིའི་དགོངས་འགྲེལ་བསྟན་བཅོས་ཀྱང་མང་དུ་མཛད། དེ་ལྟར་བསྟན་པའི་བྱ་བ་རྒྱ་ཆེར་མཛད་པ་ན།
བདུད་སྡིག་ཏོ་ཅན་མ་བཟོད་པར། རྒྱལ་པོ་བདེ་སྤྱོད་ཀྱི་བུར་སྐྱེ་བ་བླངས་ཏེ། རྒྱལ་སྲིད་ཐོབ་ཕྱིར་ཡབ་དང་སྐུ་ཚེ་གཅིག་པའི་སློབ་དཔོན་གྱི་དབུ་བསླངས།
ཁོང་བྱང་སེམས་ཀྱི་སྤྱོད་པ་རླབས་པོ་ཆེར་གནས་སྟབས་གནང་བ་ཞལ་གྱིས་བཞེས། རྩྭ་ཀུ་ཤས་དབུ་བཅད་དེ་སྐུ་ཁྲག་འོ་མ་རང་བཞིན་དུ་བྱུང་།
དབུ་དེའི་ཞལ་ནས། ང་ནི་འདི་ནས་བདེ་བ་ཅན་དུ་འགྲོ། ཕྱིས་ནས་ལུས་འདི་ལ་ནི་འཇུག་པར་འགྱུར།
ཞེས་ཚིག་བྱུང་བས། དབུ་སླར་ཡང་སྐུ་ལུས་ལ་འབྱར་དོགས་ཀྱིས་དཔག་ཚད་ཙམ་དུ་དོར་ཡང་། རིམ་གྱིས་ཇེ་ཉེར་སོང་སྟེ་མཐར་དབུ་སྐུ་ལུས་ལ་འབྱར་ནས་སླར་ཡང་བསྟན་འགྲོའི་དོན་རྒྱ་ཆེར་མཛད་པར་འགྱུར་རོ་ཞེས་གསུངས་སོ།
འཕགས་པ་ཀླུ་སྒྲུབ་ལ་སློབ་མ་བསྟན་འཛིན་གྱི་སྐྱེས་ཆེན་དམ་པ་མང་ཡང་།
གཙོ་བོ་ཐུགས་སྲས་བཞི་དང་། ཉེ་བའི་སྲས་གསུམ་སྟེ་བདུན་ཡོད། དང་པོ་བཞི་ནི། ཤཱཀྱ་མི་ཏྲ།
ནཱ་ག་བོདྷི། ཨཱརྱ་དེ་ཝ། མིདྒང་པ་དང་བཞི། གཉིས་པ་ཉེ་བའི་སྲས་གསུམ་ནི། སངས་རྒྱས་བསྐྱངས།
ལེགས་ལྡན་འབྱེད། སློབ་དཔོན་དཔའ་བོ་རྣམས་སོ།
No comments:
Post a Comment